இன்று(21) அதிகாலை முன்னெடுக்கப்பட்ட சுற்றிவளைப்பில், திட்டமிட்ட குற்றச்செயல்களுடன் தொடர்புடைய 8 பேர், பொலிஸ் விசேட அதிரடிப்படையினால் கைது செய்யப்பட்டுள்ளனர்.
கண்டி நகருக்கு பெருமளவிலான போதைப்பொருளை விநியோகிக்கும் சந்தேகநபரும் கைது செய்யப்பட்டுள்ளார் என தெரிவிக்கப்படுகிறது.
வெலிகந்த, கதிர்காமம், மற்றும் கண்டி ஆகிய பகுதிகளை சேர்ந்தவர்களே இவ்வாறு கைது செய்யப்பட்டுள்ளனர்.
சந்தேகநபர்களிடமிருந்து 5 துப்பாக்கிகள், ரவைகள் மற்றும் போதைப் பொருள் போன்றன கைப்பற்றப்பட்டதாக அதிரடிப்படை அதிகாரியொருவர் குறிப்பிட்டுள்ளார்.
கைது செய்யப்பட்ட குறித்த சந்தேகநபர்கள் தொடர்பிலான விசாரணைகள் ஆரம்பிக்கப்பட்டுள்ளதாக பொலிஸ் விசேட அதிரடிப்படை தெரிவித்துள்ளது
