க.பொ.த உயர்தர பரீட்சையின் இரண்டாவது கட்டத்தின் மதிப்பீட்டு நடவடிக்கைகள் நேற்றுடன்(24) நிறைவடைந்துள்ளதுடன், மதிப்பீட்டு நடவடிக்கைகள் காரணமாக முழுமையாக மூடப்பட்டிருந்த 4 பாடசாலைகளும் கல்வி நடவடிக்கைகளுக்காக இன்று(25) முதல் ஆரம்பிக்கப்படவுள்ளதாக பரீட்சைகள் ஆணையாளர் நாயகம் சனத் பீ பூஜித தெரிவித்துள்ளார்.
கல்விப் பொதுத்தராதர உயர்தர பரீட்சையின் 2ஆவது கட்டத்தின் மதிப்பீட்டு நடவடிக்கைகளுக்காக 37 பாடசாலைகள் பயன்படுத்தப்பட்டதுடன் அதில் 4 பாடசாலைகள் முற்றாக மூடப்பட்டிருந்ததாக பரீட்சைகள் ஆணையாளர் நாயகம் குறிப்பிட்டுள்ளார்.
