(FASTGOSSIP|COLOMBO) – அவெஞ்சர்ஸ் படங்களில் நடித்த கிறிஸ் பிராட், பிரபல பாலிவுட் நடிகர் அர்னால்ட்டின் மகளான கேத்தரினை காதலித்து திருமணம் செய்து கொண்டுள்ளார்.
பிரபல ஹாலிவுட் நடிகர் கிறிஸ் பிராட். இவர் ஜூராசிக் வேர்ல்ட், பாசஞ்சர்ஸ், ஜூராசிக் வேர்ல்ட் பாலன் கிங்டம், கார்டியன்ஸ் ஆப் தி கேலக்ஸி, அவெஞ்சர்ஸ் இன்பினிட்டி வார், அவெஞ்சர்ஸ்: என்ட்கேம் உள்ளிட்ட பல படங்களில் நடித்துள்ளார்.
கிறிஸ் பிராட்டும், ஹாலிவுட் நடிகை அன்னா பாரிசும் காதலித்து 2009-ல் திருமணம் செய்துகொண்டனர். இவர்களுக்கு ஜேக் என்ற 6 வயது மகன் உள்ளான்.
இந்த நிலையில் கருத்து வேறுபாடு ஏற்பட்டு கிறிஸ் பிராட்டும், அன்னா பாரிசும் கடந்த வருடம் விவாகரத்து செய்து பிரிந்தனர். அதன்பிறகு பிரபல ஹாலிவுட் நடிகர் அர்னால்ட் ஸ்வாஸ்நேகர் மகள் கேத்தரினை கிறிஸ் பிராட் காதலித்து வந்தார். கேத்தரின் எழுத்தாளராக உள்ளார்.
தற்போது கலிபோர்னியாவில் உள்ள மொன்டிசிட்டோ நகரில் இருவருக்கும் திருமணம் நடந்துள்ளது. திருமண புகைப்படத்தை நடிகர் கிறிஸ் பிராட் சமூக வலைத்தளத்தில் வெளியிட்டு கேத்தரின் திருமணத்துக்கு சம்மதித்தது மகிழ்ச்சியாக உள்ளது என்று குறிப்பிட்டு உள்ளார்.
